Home / Lajme / Basha s’mban dot peshën e kreut të opozitës. Protestës i mungojnë figurat e PD-së

Basha s’mban dot peshën e kreut të opozitës. Protestës i mungojnë figurat e PD-së

Signing of the Protocols of Enlargement post-Summit Accession for Albania and Croatia

Lulzim Basha ka mbajtur fjalimin e parë në një protestë si kryeopozitar. Protesta e organizuar në bulevardin “Dëshmorët e Kombit” para godinës së Kryeministrisë e mbajtur për manipulimin e zgjedhjeve në Bashkinë Korçë, është reagimi i parë popullor i Partisë Demokratike që pas humbjes së zgjedhjeve të 23 qershorit.

Protesta e PD-së, që në fakt mori edhe përmasat e një proteste kundër shkatërrimit të armëve kimike të Sirisë në Shqipëri, i ngjasonte shumë protestave të Partisë Socialiste në opozitë. Para fjalimit të kreut të PD-së, në podium u ngjitën qytetarë të thjeshtë.

Ndërsa, fjalimi i Bashës, i pari në shesh si kryetar i PD-së, ishte një “sforcim” për të. Zëri i Bashës ishte shpeshherë jashtë kontrolli, duke shkuar deri në pikën që nuk mund të vazhdonte më. Ai e ndërpreu disa herë fjalimin, por arriti ta mbyllë edhe pse me zë të çjerrë.

Basha u shpreh se mazhoranca e majtë e ka “mbushur kupën” që në tre muajt e parë të qeverisjes dhe theksoi se opozita do të ndalojë me çdo çmim shitblerjen e votës.

“Shkelmuan votën se, kanë në plan blerjen e votës. Firmosin çdo ditë nga një akt kundër ligjeve dhe të drejtës se kanë ndërmend blerjen e votës. Motoja e tyre është: Ju 2 mijë lekëshin, ne pushtetin. Hiq dorë njëherë e përgjithmonë nga blerja e votës. Po nuk e ndaluam sot shitblerjen e votës, shitblerja e votës do të ndalojë demokracinë. Do ta ndalojmë me çdo çmim.

Në protestë mungonte Jozefina Topalli dhe shumë figura të tjera të PD-së, por asaj nuk i mungoi ish-kreu i saj, Sali Berisha. Ish-kryeministri qëndroi krah Bashës por nuk mbajti fjalim në këtë protestë.

 

Check Also

Shqiperi – Danimark 11-10-2014 live, Euro 2016

Shqiperi – Danimark 11-10-2014 live, Euro 2016. Vetem pak ore na ndajn nga ndeshja e ...

Leave a Reply

Your email address will not be published. Required fields are marked *